Кишварҳои арабии соҳили Халиҷи Форс беш аз ҳар вақти дигар аз кафолатҳои амниятии Иёлоти Муттаҳида норозӣ шудаанд.Ба нақл аз гурӯҳи байналмилалии хабаргузории Форс; шабакаи хабарии Bloomberg гузориш додааст, ки афзоиши даргириҳои низомӣ миёни Амрико ва Эрон кишварҳои арабии муттаҳиди Вашингтон дар минтақаи Халиҷи Форсро ба шиддат нигарон кардааст, зеро таҳдидҳои рӯзафзуни амниятӣ ва ихтилолҳои ҷиддии …
Кишварҳои арабии соҳили Халиҷи Форс беш аз ҳар вақти дигар аз кафолатҳои амниятии Иёлоти Муттаҳида норозӣ шудаанд.
Ба нақл аз гурӯҳи байналмилалии хабаргузории Форс; шабакаи хабарии Bloomberg гузориш додааст, ки афзоиши даргириҳои низомӣ миёни Амрико ва Эрон кишварҳои арабии муттаҳиди Вашингтон дар минтақаи Халиҷи Форсро ба шиддат нигарон кардааст, зеро таҳдидҳои рӯзафзуни амниятӣ ва ихтилолҳои ҷиддии иқтисодӣ эътимоди онҳо ба ҳимояти Амрикоро бо мушкилоти ҷиддӣ рӯбарӯ кардааст.
Ба гузориши Bloomberg, нокомии ёддошти тафоҳуми муваққатии моҳи гузашта ҳамгироии кишварҳои Шӯрои ҳамкории Халиҷи Форсро дар бораи чигунагии вокуниши Вашингтон ба Теҳрон аз байн бурдааст.
Бархе аз мақомоти амниятии минтақа хостори иқдомҳои низомии шадидтари Амрико, аз ҷумла эҳтимоли истиқрори нерӯҳои заминӣ дар дохили Эрон ё тасарруфи ҷазираи Хорк ҳастанд, то Теҳрон ба бозкушоии тангаи Ҳурмуз водор шавад.
Дар муқобил, кишварҳое монанди Қатар хостори коҳиши фаврии танишҳо тавассути дипломатия ва миёнҷигарии Покистон ҳастанд, то аз такрори даргириҳои мустақим ва шадиди аввали баҳори имсол ҷилавгирӣ шавад.
Тибқи ин гузориш, подшоҳиҳои арабии соҳили Халиҷи Форс пас аз он ки дар ҷараёни даргириҳои ахир мустақиман мавриди ҳамла қарор гирифтанд, ҳарчи бештар самаранокии кафолатҳои амниятии Амрикоро зери суол мебаранд.
Ҳамлаҳои мушакӣ ва паҳподии Эрон пойгоҳҳои Амрико дар Кувайт, Урдун, Ироқ ва Умонро ҳадаф қарор додаанд.
Майкл Ратнӣ, сафири пешини Амрико дар Арабистони Саудӣ, ба Bloomberg гуфт: «Мардум ноумед ва хашмгин ҳастанд. Аммо онҳо камтар дар ин бора ошкоро ҳарф мезананд, зеро ҳамагӣ талош доранд муносибатҳои худро бо Трамп ҳифз кунанд. Онҳо мехоҳанд содироти нафташон идома ёбад ва иқтисодашон ба вазъи одӣ баргардад. Ин вазъият барои онҳо бисёр асабхаробкунанда аст.»
Ихтилол дар киштиронии тиҷоратӣ тавассути тангаи Ҳурмуз истеҳсолкунандагони минтақаро водор кардааст, ки фиристандаҳои моҳвораии киштиҳои худро хомӯш кунанд ва маҳмулаҳои энержиро аз обҳои хатарнок убур диҳанд.
Афзоиши хароҷоти бархоста аз даргириҳо ва маҳдудиятҳои логистикии интиқоли нафти хом касри буҷети кишварҳои Шӯрои ҳамкории Халиҷи Форсро бештар карда ва мустақиман барномаҳои дарозмуддати иқтисодии онҳо дар бахшҳои зеҳни сунъӣ, хадамоти молиявӣ ва гардишгариро заиф намудааст.
Илова бар ин, тибқи иддаои Bloomberg, кишварҳои соҳили Халиҷи Форс дар баробари пешниҳоди маблағгузории бастаи 300 миллиарддолларии бозсозии Эрон, ки дар музокироти қаблӣ матраҳ шуда буд, муқовимат нишон додаанд. Онҳо мегӯянд, ки бо маблағгузории «душмане», ки ба онҳо ҳамла кардааст, мухолифанд.
