Масъуди Пизишкиён, раисиҷумҳури Эрон, хитоб ба сарони кишварҳои арабӣ ва исломӣ, бо баёни ин ки “муҷозот ва посухгӯ кардани мутаҷовизон бояд оғоз шавад” гуфт: “Режими саҳюнистӣ ва ҳомиёнаш бидонанд: ҳамла ба Дуҳа нишонаи қудрат набуд, балки аз сари ноумедӣ ва истисол буд. Режиме, ки ба мавқеияти худ итминон дорад, ниёзе ба бомбборони музокиракунандагон надорад. Шумо …
Масъуди Пизишкиён, раисиҷумҳури Эрон, хитоб ба сарони кишварҳои арабӣ ва исломӣ, бо баёни ин ки “муҷозот ва посухгӯ кардани мутаҷовизон бояд оғоз шавад” гуфт: “Режими саҳюнистӣ ва ҳомиёнаш бидонанд: ҳамла ба Дуҳа нишонаи қудрат набуд, балки аз сари ноумедӣ ва истисол буд. Режиме, ки ба мавқеияти худ итминон дорад, ниёзе ба бомбборони музокиракунандагон надорад. Шумо аз ҳар хатти қирмизе убур кардаед. Ҳар мантиқ ва қонунеро нодида гирифтаед. Ҳар асли рафтори мутамаддинонаро нақз кардаед. Аммо нохоста кори муҳимми дигаре ҳам кардаед: иродаи ҷамъии уммати исломиро бедор кардаед. Мазлумнамоӣ ва қурбонинамоии шумо дигар нахнамо ва беасар шудааст. Ҷаҳон мебинад, забт мекунад ва ба ёд меспорад.”
Раисиҷумҳури Эрон асри имрӯз (душанбе) дар нишасти сарони кишварҳои арабӣ-исломӣ бо мавзӯи ҳамлаи режими саҳюнистӣ ба Қатар гуфт: “Таҷовузи густохонаи 9 сентябри 2025-и Қатар, ҳамлае аз пеш барномарезишуда тавассути режими саҳюнистӣ буд, ки бо ҳадафи аз байн бурдани талошҳои диплумотик барои поён додан ба наслкушӣ дар Ғазза анҷом шуд.”
Раисиҷумҳури Эрон таъкид кард: “Ин таҷовуз як эъломи аланӣ ва бешармона аст, ки акнун қудрати низомӣ ва на қонун таъйинкунанда аст. Мутаассифона теруристҳои ҳоким бар Телавив бо масуният, ки пас аз хиёнате мушобеҳ ба диплумосӣ дар июни 2025 ва бо оғози ҷанги таҷовузкорона алайҳи мардуми кишвар ман эҳсос карданд, ҷаритар шуданд. Набояд ҷойи ҳеч шакку тардиде бошад, ки ҳамалоти ҳафтаи гузашта ба Дуҳа теруризми маҳз буд; санаде бар ин ки режими Телавив ҳар гуна маҳдудияти ахлоқӣ ва қонуниро канор гузоштааст.”
Пизишкиён афзуд: “Аммо бигузоред сареҳан дар бораи чигунагии расидан ба ин лаҳза сӯҳбат кунем. Ин ҳамла аз халаъ падид наомадааст. Натиҷаи иҷтинобнопазири даҳаҳо масунияти режими саҳюнистӣ аст, ки бархе қудратҳои ғарбӣ мумкин сохтанд. Ҷаҳон зарфи муддати тӯлонӣ шоҳиди сохти деже аз ҳимоят дар атрофи ин режим будааст; ҳимояте, ки оҷур ба оҷури он аз тариқи ветоҳои Омрико, тавофуқномаҳои тиҷории урупоӣ ва фалаҷи низоми қазоӣ ва байналмилалӣ фароҳам шудааст.”
Раисиҷумҳури Эрон хотирнишон кард: “Дар ду соли гузашта Ғазза ҷиноёти ваҳшатнокро таҳаммул карда. Имрӯз Ғазза дар оташ месӯзад. Беш аз 64 ҳазор фаластинӣ дар камтар аз ду сол ба шаҳодат расиданд. Кӯдакон гуруснагӣ мекашанд ва дар ҳамон ҳол, ҷаҳон сирфан ба наззора ва ибрози маҳкумият басанда мекунад.”
Вай матраҳ кард: “Девони байналмилалии додгустарӣ ҳукм дода, ки иқдомоти режими саҳюнистӣ наслкушӣ маҳсуб мешавад, аммо мошини куштор ҳамчунон ба кори худ идома медиҳад ва акнун доманаашро ба хоки Қатар густариш додааст.”
Раисиҷумҳури Эрон таъкид кард: “Олиҷанобон! Бояд масири хатарнокеро, ки бо он рӯ ба рӯ ҳастем бишносем; режими саҳюнистӣ акнун дар соли 2025 чанд кишвари мусалмонро бомбборон кардааст. Ҳар ҳамла ва таҷовузи ин режим ба унвони дифоъи машрӯъ тавҷеҳ мешавад ва ҳар бор ду паҳлӯигӯии кишварҳои ғарбӣ ва ҳадди аксар маҳкумиятҳои тухолиро ба дунбол дорад.”
Вай афзуд: “Ҳангоме, ки як режими ёғи таҳти ҳар шароит таслеҳот, таъмини молӣ ва ҳимояти диплумотик дарёфт мекунад, меомӯзад, ки ҳеч маҳдудияте вуҷуд надорад. Вақте ветоҳо ва стандартҳои дугонаи низоми байналмилалро фалаҷ мекунанд, масуният монанди пӯсидагӣ пахш мешавад. Таърих, гуноҳи ҳомиёни ин таҷовузро ба ёд хоҳад супурд. Мо ба мардуми Фаластин ва ба ҳамаи касоне, ки ба адолат имон доранд, ду чиз бадеҳкорем; сароҳати калом ва иқдом.”
Вай афзуд: “Аз боби сароҳати калом бояд гуфт, ки ҷиноёти режими саҳюнистӣ хатоҳои мавридӣ нестанд; онҳо бахше аз дуктурини тасаллути поксозӣ ва эҷоди тарсанд; стратегияи поксозии қавмӣ, тавсиаталабӣ ва таҷовуз, ки бо ҳамдастии Омрико ва бархе кишварҳои ғарбӣ тақвият мешаванд.”
Бояд мутаҷовизро мунзавӣ мунзавӣ кунем
Раисиҷумҳури Эрон таъкид кард: “Аммо аз боби иқдом бояд гуфт, ки калимот, наслкуширо поён намедиҳанд. Бояд мутаҷовизро мунзавӣ кунем. Таслеҳот ва таъминоти молии ӯро қатъ ва раҳбаронашонро дар додгоҳҳои адолат посухгӯ намоем.”
Вай афзуд: “Аммо ин иқдомот бидуни ваҳдат коромад нахоҳад буд. Режими саҳюнистӣ рӯйи рақобатҳо ва авлавиятҳои мутазодди мо ҳисоб карданд; ҳамла ба Дуҳа бисёре аз муодилот ва тафаккуроти иштибоҳро дигаргун сохт ва нишон дод, ки ҳеч кишвари арабӣ ё мусалмонӣ аз таҷовузи режими Телавив дар амон нест.”
Фардо метавонад навбати ҳар як аз пойтахтҳои арабӣ ва исломӣ бошад
Раисиҷумҳури Эрон идома дод: “Интихоб равшан аст; бояд бо ҳам муттаҳид шавем, Расули Худо (с) дар фатҳи Макка суханронӣ фармуданд, эълом намуданд:
انما المسلمون اخوه، المسلم اخ المسلم و هم یدٌ واحد علی من سواه
Вай унвон кард: “Олиҷанобон! Режими саҳюнистӣ ва ҳомиёнаш бидонанд: ҳамла ба Дуҳа нишонаи қудрат набуд, балки аз сари ноумедӣ ва истисол буд. Режиме, ки ба мавқеияти худ итминон дорад, ниёзе ба бомбборони музокиракунандагон надорад. Шумо аз ҳар хатти қирмизе убур кардаед. Ҳар мантиқ ва қонунеро нодида гирифтаед. Ҳар асли рафтори мутамаддинонаро нақз кардаед. Аммо нохоста кори муҳимми дигаре ҳам кардаед: иродаи ҷамъии уммати исломиро бедор кардаед. Мазлумнамоӣ ва қурбонинамоии шумо дигар нахнамо ва беасар шудааст. Ҷаҳон мебинад, забт мекунад ва ба ёд меспорад.”
Пизишкиён дар поён ҳушдор дод: “Режими саҳюнистӣ алайҳи ҳокимият, каромат ва ояндаи мо эълони ҷанг кардааст. Мо дар посух эълом мекунем: мо маръуб нахоҳем шуд, мутафарриқ нахоҳем шуд, сокит нахоҳем монд. Аз хокистари Ғазза, адолат бархоҳад хост. Аз овори сохтмонҳои тахрибшуда дар Дуҳа, Бейрут, Теҳрон, Димишқ ва Санъо, назми нав падидор хоҳад шуд; назме на мубтанӣ бар риёкорӣ, балки бар ваҳдат исломӣ, на бар бартариҷӯии саҳюнистӣ, балки бар бародарӣ ва баробарии инсонӣ.
مَنْ سَمِعَ رجلا ینادی یا لَلْمُسْلِمینَ فَلَمْ یجِبْهُ فَلَیسَ بِمُسْلِمٍ مَنْ أَصْبَحَ لا یَهْتَمُّ بِأُمورِ الْمُسْلمینَ فَلَیْسَ بِمُسْلِمٍ
Бояд муҷозот ва посухгӯ кардани мутаҷовизон оғоз шавад.”
