Шабакаи Алҷазира дар гузорише таҳлилӣ, бо ишора ба маҷмӯъае аз таҳаррукоти сиёсӣ, амниятӣ ва низомӣ дар минтақа, навишт, ки эҳтимоли оғози даври ҷадиде аз таниш миёни режими саҳюнистӣ ва Ҷумҳурии Исломии Эрон тайи ҳафтаҳои ахир афзоиш ёфтааст.Таҳаррукоти нигаронкунанда дар бозори энержӣАлҷазира навишт: бо боло рафтани гумоназаниҳо дар бораи эҳтимоли даргирӣ, бозори ҷаҳонии нафт низ вокуниш …
Шабакаи Алҷазира дар гузорише таҳлилӣ, бо ишора ба маҷмӯъае аз таҳаррукоти сиёсӣ, амниятӣ ва низомӣ дар минтақа, навишт, ки эҳтимоли оғози даври ҷадиде аз таниш миёни режими саҳюнистӣ ва Ҷумҳурии Исломии Эрон тайи ҳафтаҳои ахир афзоиш ёфтааст.
Таҳаррукоти нигаронкунанда дар бозори энержӣ
Алҷазира навишт: бо боло рафтани гумоназаниҳо дар бораи эҳтимоли даргирӣ, бозори ҷаҳонии нафт низ вокуниш нишон дода ва тайи ҳафтаҳои ахир, байни 5 то 10 доллар – танҳо ба далели нигарониҳои сиёсӣ ва амниятӣ – бар қимати ҳар бушка нафт изофа шудааст.
Коршиносони энержӣ ҳушдор медиҳанд, ҳар гуна таҳдид нисбат ба амнияти хутути интиқол, бавижа дар минтақаи халиҷи Форс, метавонад қиматҳоро ба суръат ба болои 100 доллар расонда ва мавҷи ҷадиде аз таварруми ҷаҳонӣ эҷод кунад.
Иқдомоти машкуки Омрико ва Исроил дар ҳавзаи таслеҳотӣ
Расонаҳои ғарбӣ гузориш додаанд, ки Исроил тайи моҳҳои ахир суфориши анбӯҳе аз бомбҳои сангаршикан ва муҳиммоти ҳидоятшаванда ба Омрико ироа карда ва чанд ҳазор фарванд аз анвоъи GBU-39B, MK-84, MK-82 ва BLU-117-ро дарёфт кардааст. Арзиши ин таслеҳот, ки аз сӯйи Ситоди фармондеҳии марказии Омрико таъйид шуда, ҳудуди 10 миллиард доллар баровард шудааст.
Коршиносони низомӣ мӯътақиданд, ин ҳаҷм аз таслеҳот маъмулан барои амалиётҳои маҳдуд дар Ғазза ё Лубнон ниёз нест ва бештар барои амалиётҳои печидатар монанди ҳамла ба таъсисоти ҳассос мавриди истифода қарор мегирад.
Фишорҳои Омрико бар Лубнон ва Ироқ
Дар ин гузориш омадааст: Вашингтон ва Телавив дар ҷабҳаи Лубнон низ ҳамзамон фишори сиёсӣ, иқтисодӣ ва майдониро афзоиш додаанд.
Вазорати хазонадории Омрико ахиран аз Бейрут хоста, зарфи 60 рӯз маҷмӯъаи иқдомоте барои маҳори манобеи молии Ҳизбуллоҳ иттихоз кунад, дар ҳоле, ки таҷовузоти Исроил ба ҷануби Лубнон низ шиддат гирифтааст.
Дар Ироқ низ вазири дифоъи Омрико тайи тамоси телефонӣ бо ҳамтои ироқӣ, ҳушдор дода, ҳар гуна вокуниши гурӯҳҳои мусаллаҳ ба амалиёти ояндаи Вашингтон ё Телавив, “ба шиддат” посух дода хоҳад шуд.
Тақвияти амнияти тангаи Ҳурмуз ва ҳушдори Эрон ба нафткашҳои мутахаллиф
Ба дунболи афзоиши таҳдидот, нерӯҳои дарёии Сипоҳи посдорон тадобири амниятии худ дар халиҷи Форс ва баҳри Уммонро ташдид кардаанд.
Дар ҳамин чорчӯб, тавқифи нафткаши мутахаллифи “Толоро”, ки муттаҳам ба нақзи қавонини дарёӣ ва талош барои фирор аз масирҳои расмӣ буда, паёми равшане дар бораи азми Эрон барои таъмини амнияти хутути киштиронӣ дар минтақа талаққӣ мешавад.
Талоши расонаҳои Исроил барои илқои Эрони заъиф, аммо хатарнок
Алҷазира тасреҳ кард: пас аз нокомии Исроил дар дастёбӣ ба аҳдофи иддаоияш дар даври аввали даргирӣ, расонаҳо ва андешкадаҳои наздик ба лоббии саҳюнист дар Омрико, мавҷи ҷадиде аз фазосозии равонӣ алайҳи Эронро оғоз кардаанд.
Ин хатти расонаӣ ду ҳадафро дунбол мекунад:
– илқои ин ки Эрон дар заъифтарин вазъияти худ қарор дорад;
– тавҷеҳи лузуми иқдоми низомии пешдастона алайҳи Теҳрон;
Интишори матолибе дар бораи “ибҳом дар вазъияти захоири ураниум” ё “рушди ҳамкории мушакии Эрон ва Чин” дар ҳамин чорчӯб арзёбӣ мешавад.
Ҷанги равонӣ алайҳи дохили Эрон ва суистифода аз бӯҳрони об
Бархе амалиётҳои расонаӣ низ ба сурати ҳадафманд рӯйи мушкилоти зистмуҳитӣ монанди камбуди бориш ва коҳиши захоири саддҳо мутамаркиз шудаанд.
Аснод ва таҳлилҳои мустақил нишон медиҳад, бахше аз ин амалиёт аз сӯйи шабакаҳои вобаста ба сервисҳои иттилоотии Исроил ҳидоят мешавад ва ҳадафи он илқои бесуботии дохилӣ дар Эрон аст.
Ҳадафи ниҳоӣ чист?
Маҷмӯъаи таҳаррукоти ахир нишон медиҳад, ки Вашингтон ва Телавив дар талошанд:
– боздорандагии Эронро тазъиф кунанд;
– Меҳвари Муқовиматро дар чанд ҷабҳа таҳти фишор қарор диҳанд;
– бо наздик шудан ба интихоботи 2026 дар режими саҳюнистӣ ва фазои сиёсии Омрико, дастовардсозии маснуъӣ эҷод кунанд.
Бо вуҷуди ин, бисёре аз таҳлилгарони ғарбӣ низ эътироф доранд, ки Эрон тайи солҳои гузашта тавони дифоъӣ ва таҳоҷумии худро дар ҳавзаҳои мушакӣ, паҳподӣ ва падофандӣ ба таври қобили таваҷҷӯҳе иртиқо дода ва ҳар гуна муҳосибаи иштибоҳ дар бораи Эрон, метавонад паёмадҳои ғайриқобили пешбинӣ барои минтақа дошта бошад.
