Эмомалӣ Раҳмон дар дидор бо Пизишкиён, таҷовузи низомии Исроил ва Омрико ба Эронро ба шиддат маҳкум кард

Ба гузориши Машриқ, Масъуди Пизишкиён, раисиҷумҳури Эрон, асри имрӯз (душанбе), дар дидор бо Эмомалӣ Раҳмон, раисиҷумҳури Тоҷикистон, зимни ибрози хурсандӣ аз дидорҳо ва тамосҳои мукаррари сарони ду кишвар дар ростои тақвияти дӯстӣ ва бародарии ду миллати ҳамреша ва мутамаддин ва бо таъкид бар аҳаммияти густариши ҳамкориҳои фимобайн, изҳор дошт: “Бояд талош кунем, гузаштаи шукӯҳманди муштараки Эрон ва Тоҷикистон ба насли ҷадиди ду кишвар ёдоварӣ шавад.”

Раисиҷумҳури Эрон бо баёни ин ки раванди таомулот миёни ду кишвар дар солҳои ахир ҳамвора мусбат ва рӯ ба густариш будааст, афзуд: “Ҳамкориҳои Теҳрон ва Душанбе дар солҳои ахир дар тамоми заминаҳои транзитӣ, тиҷорӣ, гардишгарӣ, илмӣ ва иртибототи мардумӣ дар ҳоли иртиқо ва густариш будааст.”

Пизишкиён дар бахши дигаре аз суханонаш бо ишора ба ин ки режими саҳюнистӣ бо чароғи сабз ва ҳимояти Омрико дар ҳоли ҷинояти ҳадди аксарӣ дар Ғазза ва Фаластин ва дигар нуқоти минтақа аст, тасреҳ кард: “Режими саҳюнистӣ бо ваҳшигарии тамом дар ҳоли иртикоби бадтарин ҷиноят дар Ғазза аст ва лозим аст кишварҳои исломӣ ва созмонҳои байналмилалӣ ва минтақаӣ бо ҳар равиши мумкин ҷилави тадовуми ҷиноёти ӯро бигиранд.”

Раисиҷумҳури Тоҷикистон низ дар ин дидор, илова бар таъкид бар алоқамандӣ барои густариш ва таъмиқи равобити дуҷониба бавежа дар ҳавзаҳои иқтисодӣ, сармоягузорӣ ва иртибототи мардумӣ, бори дигар таҷовузи низомии Исроил ва Омрико ба кишварамонро ба шиддат маҳкум кард.

Эмомалӣ Раҳмон бо ибрози ризоят аз ҳамкориҳои созандаи ду кишвар дар арсаҳои дуҷониба, минтақаӣ ва байналмилалӣ аз ҷумла дар маҷомеъ ва чорчӯбҳои байналмилалӣ гуфт: “Эрон ҷойгоҳи таърихӣ, фарҳангӣ, илмӣ ва тамаддунии бисёр бузурге дорад.”