Вазорати умури хориҷаи Русия имрӯз (панҷшанбе) эълом кард, ки Паймони ҳамкории роҳбурдии ҷомеъ байни Маскав ва Теҳрон, ки ба тақвияти ҳамаҷонибаи равобит дар ростои манофеъи бунёдини мардуми ду кишвар мепардозад, аз имрӯз 2 октябр лозимулиҷро шудааст.Ба гузориши РИА Новости, Паймони ҳамкории роҳбурдии ҷомеъи Эрон ва Русия, ки Маскав мегӯяд аз имрӯз расман вориди иҷроӣ шудааст, …
Вазорати умури хориҷаи Русия имрӯз (панҷшанбе) эълом кард, ки Паймони ҳамкории роҳбурдии ҷомеъ байни Маскав ва Теҳрон, ки ба тақвияти ҳамаҷонибаи равобит дар ростои манофеъи бунёдини мардуми ду кишвар мепардозад, аз имрӯз 2 октябр лозимулиҷро шудааст.
Ба гузориши РИА Новости, Паймони ҳамкории роҳбурдии ҷомеъи Эрон ва Русия, ки Маскав мегӯяд аз имрӯз расман вориди иҷроӣ шудааст, дар таърихи 17 январи 2025 тайи сафари Масъуди Пизишкиён ба Русия, ба имзои раисони ҷумҳури ду кишвар расид.
Вазорати хориҷаи Русия дар баёнияи имрӯзи худ эълом кард, ки иҷроӣ шудани он “як нуқтаи атфи муҳим дар таърихи равобити ду кишвар аст, ки ба сатҳи кайфии ҷадиде аз ҳамкории роҳбурдии ҷомеъ иртиқо ёфтааст”.
Тибқи баёнияи Русия, муфоди аслии ин тавофуқ ба шарҳи зер аст:
– тарафайн мутааҳҳид ба таъмиқ ва густариши равобит дар тамоми ҳавзаҳои мавриди алоқаи мутақобил ҳастанд;
– Маскав ва Теҳрон тавофуқ карданд, ки ҳамкории тиҷорӣ ва иқтисодиро ҳифз карда ва дар анҷоми размоишҳои низомии муштарак ҳамкории наздике дошта бошанд. Агар як тараф дар маърази таҷовуз қарор гирад, тарафи дигар набояд ба мутаҷовиз кӯмак кунад;
– ду кишвар иҷоза нахоҳанд дод хокашон барои ҳимоят аз ҷунбишҳои ҷудоиталаби таҳдидкунандаи тамомияти арзиашон истифода шавад;
– тарафайн мухолифи эъмоли таҳримҳо ҳастанд ва эъмоли онҳоро аз назари байналмилалӣ ғайриқонунӣ медонанд. Онҳо аз пайвастан ба маҳдудиятҳои кишварҳои солис алайҳи якдигар худдорӣ мекунанд ва замонат медиҳанд, ки аз иқдомоти қаҳрии якҷониба истифода накунанд;
– Маскав ва Теҳрон тавофуқ кардаанд, ки ҳамкории расонаиро барои муқобила бо иттилооти нодуруст ва таблиғоти манфӣ иртиқо диҳанд;
– Ин кишварҳо дар ҷилавгирӣ аз балоёи табиӣ ва инсонӣ ба якдигар кӯмак хоҳанд кард ва барои эҷоди зерсохт ҳамкорӣ хоҳанд кард;
– хатти лӯлаи гоз аз Русия ба Эрон аз масири Ҷумҳурии Озарбойҷон убур хоҳад кард ва тарафайн дар ҳоли музокира дар бораи рӯйкардҳои қиматгузорӣ ҳастанд;
– Маскав ва Теҳрон ба пружаҳои муштарак дар ҳавзаи энержии ҳастаии сулҳомез аз ҷумла сохти нерӯгоҳҳои ҳастаӣ алоқаманд ҳастанд;
– тарафайн дар мубориза бо теруризми байналмилалӣ ва дигар таҳдидҳо ва чолишҳо ҳамкорӣ хоҳанд кард;
– ин тавофуқ барои муддати 20 сол мунъақид шуда ва пас аз поёни ин давра, ба таври худкор барои панҷ соли баъд тамдид хоҳад шуд.
