Вазорати кишвари Яман аз иҷрои як амалиёти амниятии вежа хабар дод, ки мунҷар ба дастгирии як шабакаи ҷосусии вобаста ба як утоқи амалиёти муштарак байни созмонҳои иттилоотии Омрико (CIA), Мусод ва Созмони истихбороти Арабистон шуд.Ба гузориши Алмасира, Вазорати кишвари Яман дар баёние эълом кард, амалиёти амниятии вежаеро, ки тайи чандин марҳила ба дастгирии як шабакаи …
Вазорати кишвари Яман аз иҷрои як амалиёти амниятии вежа хабар дод, ки мунҷар ба дастгирии як шабакаи ҷосусии вобаста ба як утоқи амалиёти муштарак байни созмонҳои иттилоотии Омрико (CIA), Мусод ва Созмони истихбороти Арабистон шуд.
Ба гузориши Алмасира, Вазорати кишвари Яман дар баёние эълом кард, амалиёти амниятии вежаеро, ки тайи чандин марҳила ба дастгирии як шабакаи ҷосусии вобаста ба утоқи амалиёти муштарак байни созмонҳои иттилоотии Омрико (CIA), Мусоди режими саҳюнистӣ ва Созмони истихбороти Арабистон мунҷар шуд – ки мақарри он дар хоки Арабистон қарор дорад – анҷом додааст.
Дар ин баёния омадааст, дар пайи ин дастоварди амниятии вежа ва пас аз такмили таҳқиқот, амалиётҳои шиносоӣ ва таҳлил, иттилооти зиёде ба даст омад, ки муҳимтарин бахшҳои он дар зайл ифшо мешавад:
Аввалан: утоқи амалиёти муштарак, талошҳои харобкорона ва ҷосусӣ алайҳи Яманро ҳамоҳанг карда ва фаъолияти худро аз хоки Арабистон барои ташкили бондҳои кучак ва мутаъаддид оғоз намуд; бондҳое, ки ҳар кадом ба таври муҷаззо амал карда ва ҳамагӣ ба утоқи амалиёти муштараки душманон вобаста буданд.
Сониян: утоқи иттилоотии муштараки душман, таҷҳизот ва васоили ҷосусии пешрафтаеро дар ихтиёри ин бондҳои ҷосусӣ қарор дод, то амалиёти ҷосусӣ ва расади ҳар маконеро, ки ирода мекарданд анҷом дода ва мухтассот ва иттилооти онро гузориш диҳанд. Авомили ин бондҳои ҷинояткор дар хусуси дастгоҳҳои таҳвилӣ, наҳваи нигориши гузоришҳо, ирсоли мухтассот ва равишҳои иститор ва пинҳон шудан барои гурез аз ошкор шудан тавассути нерӯҳои амниятӣ, омӯзиш диданд. Ин омӯзишҳо тавассути афсарони омрикоӣ, саҳюнистӣ ва саъудӣ дар хоки Арабистон ироа шуда буд.
Солисан: ин бондҳои ҷосусӣ, зерсохтҳои Яманро расад карда ва талош карданд, то сохтори низомӣ ва амниятӣ, амокини тавлиди таслеҳоти низомӣ ва марокизи партоби мушакҳои болистик ва паҳподҳоеро, ки артиши Яман бо онҳо аҳдофи шуми душмани саҳюнистро ҳадаф қарор медиҳад, кашф кунанд. Ҳамчунин иқдом ба ҷамъоварии иттилоот ва расади раҳбарони ғайринизомии давлат, фармондеҳони артиш ва нерӯҳои амниятӣ, мақаррот ва фаъолиятҳои онҳо намуданд.
Робеъан: бондҳои ин шабака дар иртикоби ҷинояти рехтани хуни ғайринизомиёни яманӣ дар чандин амалиёт, ки тавассути душмани омрикоӣ ва саҳюнистӣ алайҳи манозили маскунӣ, бозорҳо ва амокини умумӣ анҷом шуд, мушорикат доштанд. Онҳо бо ироаи иттилоот ва мухтассоти бархе таъсисоти хадамотӣ, ки ҳадафи душман қарор гирифт, дар ҷиҳати зарба задан ба манофеи миллати Яман ва эъмоли фишори иқтисодӣ ва маъишатӣ бар мардум, ба душман ёрӣ расонданд.
Вазорати кишвари Яман дар идомаи баёнияи худ эълом кард, ташкили утоқи иттилоотии муштарак байни душманони Омрико, режими саҳюнистӣ ва Арабистон ва ба коргирии бештарин теъдоди бондҳои ҷосусӣ, дар сояи ташдиди таҷовузот алайҳи Яман сурат гирифт, то талош шавад, амалиётҳои низомӣ ва мавозеъи расмӣ ва мардумии Яман дар ҳимоят аз мардуми Ғазза ва ормони одилонаи миллати Фаластин мутаваққиф гардад.
Вазорати кишвари Яман ҳамчунин эълом кард, ки пас аз судури ин баёния, эътирофоти аносири ин шабакаи ҷосусиро мунташир хоҳад намуд.
