Украина дар идомаи ҳамлаҳои дронии худ ба зерсохторҳои энергетикии Русия, бандари бузурги нафтии Русия дар баҳри Сиёҳро ҳадаф қарор дод.Ба нақл аз «Кайҳон», мақомоти аврупоӣ ва амрикоӣ пас аз нокомии даври ахири талошҳои дипломатӣ барои боздоштани ҷанги Украина пешбинӣ мекунанд, ки ин ҷанг то соли оянда идома хоҳад ёфт. Хабаргузории «Блумберг» рӯзи сешанбе ба нақл …
Украина дар идомаи ҳамлаҳои дронии худ ба зерсохторҳои энергетикии Русия, бандари бузурги нафтии Русия дар баҳри Сиёҳро ҳадаф қарор дод.
Ба нақл аз «Кайҳон», мақомоти аврупоӣ ва амрикоӣ пас аз нокомии даври ахири талошҳои дипломатӣ барои боздоштани ҷанги Украина пешбинӣ мекунанд, ки ин ҷанг то соли оянда идома хоҳад ёфт. Хабаргузории «Блумберг» рӯзи сешанбе ба нақл аз мақомоти аврупоӣ ва амрикоӣ гузориш дод, ки интизор меравад ҷанги Украина то соли ۲۰۲۷ идома кунад, зеро охирин талоши дипломатии Амрико барои пешбурди музокирот бо Владимир Путин ба натиҷаи мушаххасе нарасидааст.
Бар асоси ин гузориш, Кремл барномарезӣ кардааст, ки ҳамлаҳои худро алайҳи Украина дар моҳҳои сарди зимистон, бахусус ба зерсохторҳои барқӣ ва гармидиҳӣ, шиддат бахшад. Ҳамзамон, ба навиштаи «Блумберг», мақомоти ғарбӣ аз афзоиши амалиётҳои гибридии Русия, аз ҷумла ҳамлаҳои киберӣ, маъракаҳои иттилоотӣ ва мудохилаҳои сиёсӣ дар кишварҳои аврупоӣ нигарон ҳастанд. Ба гуфтаи ин мақомот, ҳадафи Маскав аз ин иқдомот заиф кардани ҳимояти ҷамъиятӣ ва сиёсии кишварҳои аврупоӣ аз Украина мебошад.
Дар ҷабҳаи дигари ҷанг низ Украина ҳамлаҳои худро ба зерсохторҳои энергетикии Русия шиддат бахшидааст. Гузоришҳо нишон медиҳанд, ки дронҳои украинӣ субҳи рӯзи гузашта (чоршанбе) ба як терминали нафтӣ дар шаҳри «Новороссийск», ки яке аз бузургтарин бандарҳои Русия дар баҳри Сиёҳ аст, ҳамла карданд.
Ба гузориши Форс, манобеи расонаии Украина иддао доранд, ки ин таъсисоти нафтии Русия дар пайи ҳамлаи дронӣ оташ гирифтааст. Ба навиштаи рӯзномаи «Киев Индепендент», тасвирҳои шоҳидони айнӣ нишон медиҳанд, ки як бинои истиқоматӣ низ дар ин ҳамлаи дронӣ осеб дидааст.
Андрей Кравченко, шаҳрдори Новороссийск, рух додани ҳамлаи дронии Украина ба ин шаҳрро тасдиқ кард ва гуфт, ки пораҳои дронҳои сарнагуншуда дар наздикии як бинои истиқоматӣ афтодаанд.
Новороссийск, ки дар ҳудуди Краснодар воқеъ аст, аз шимол ба баҳри Азов ва аз ғарб ба баҳри Сиёҳ пайваст мебошад.
Ҳамлаи нави дронӣ ба Русия дар ҳоле анҷом шудааст, ки ҳамлаҳои Маскав ба мавқеъҳои артиши Украина, бахусус дар минтақаи баҳри Сиёҳ, идома доранд.
